Kandidati i caktuar nga Lulzim Basha për Bashkinë e Shkodrës, i cili në 6 mars garon në siglën e PD, Xhemal Bushati, u shpreh gjatë takimeve në kuadrin e fushatës, se fitorja jonë ka nevojë për bashkimin e njerëzve të ndershëm.
“Në lagjen e Perashit, aty ku jam rritur. Derë më derë. Biznes në biznes. Së bashku me ish-deputeten Izmira Ulqinaku sot ndjemë zhgënjimin, por edhe përkrahjen, edhe motivimin. Çdo ndryshim ka nevojë për kurajo dhe këtë mbështetje po e gjej tek banorët e Shkodres.
Por më së tepërmi, fitorja jonë ka nevojë për bashkimin e njerëzve të ndershëm, atyre që jetojnë çdo ditë me shqetësimet dhe përditshmërinë e Shkodrës. Thirrjen për këtë bashkim, e bëj sot dhe do e bëj çdo ditë deri në fund”, shkruan Bushati në rrjetet sociale.
