Kryetarja e Komisionit Hetimor për Inceneratorët, Jorida Tabaku, u shpreh sot se proçedurat, pronat dhe shkeljet financiare të gjetura nga KLSH, janë elementët kryesorë të hetimit për inceneratorin e Fierit. Tabaku u shpreh se pagesat për këtë incenerator janë bërë në kundërshtim me ligjin për financat publike, pasi janë dhënë fonde pa pasur as objekt, as pronë.
Tabaku, duke iu referuar KLSH, tha se përveç pjesës së proçedurës menaxhimit dhe lidhjes së kontratës, zbatimit të kontratës, problematika kryesore me inceneratorin e Fierit është për një kontratë të lidhur në vitin 2017 që duhej të përfundonte në vitin 2018.
Tabaku u shpreh se kur e panë që nuk po zbatohej, kur filluan dhe paguan 26 milionë euro, deri në momentin kur nuk u zbatua kontrata, sepse nuk kishte një tokë, nuk kishte një pronë, nuk kishte filluar ende zbatimi i kontratës, pagesat vazhdonin, kontrata nuk ndryshoi dhe në kundërshtim edhe me ligjin për menaxhimin e financave publike, kanë vazhduar dhe kanë paguar një incinerator cili nuk ekzistonte.
“Shkelja financiare e fundit që lidhet përsëri me grupin e shkeljeve të kontstauara nga KLSH është zgjedhur alternativa e një kontrate 3 milionë euro më të shtrenjë ndërkohë që mund të ishin zgjedhur alternativa t tjera dhe kompania e inceneratorit duke qenë se nuk punonte, nuk prodhonte energji, nuk digjte mbetje, sepse nuk kishte incenerator në Fier, është përfshirë njëkohësisht në skandalin e TVSH-së fiktive.
Xhironte fatura TVSH-je të paktë me 15 kompani të cilat ne i kemi të indentifikuara për të justidikuar pagesat që merrte.
Për të derdhur pagesat që merrte nga thesari dhe këtë e bënte në mënyrë fiktive po me fondet e buxhetit të shtetit. Unë nuk u ndala tek marrëdhënia e kompanisë që nuk kishte asnjë fond, asnjë burim për ta zbatuar këtë koncesion. Merr një kredi bankare të cilën po e paguan edhe sot me buxhetin e shtetit”, tha Tabaku.
