I ftuar në A Show në SYRI TV me Adi Krastën, avokati Maks Haxhia ka folur për vendimin me burg dhe arrestimin e ish-ministrit të Brendshëm Saimir Tahirit.
Haxhia ka sqaruar dhe theksuar se vendimi për ish-ministrin Tahiri ka qënë i ndikuar nga shumë aktorë, si prokuroria, ndërkombëtarët dhe se ajo gjykatë me atë nivel gjyqtarësh nuk mund të jepte atë vendim.
Krasta: Kush ka ndikuar, vetëm një pyetje, nëse nuk i jep përgjigje do ta mbyll intervistën!
Haxhia: Unë di të them që duke analizuar vendimin, në parim them në mënyrë të pakontestueshme që vendimi nuk është marë me vullnet të lirë është i ndikuar. Kur thua që është i ndikuar duhet të thuash nga kush dhe pse.
Kujtdo që ti vësh emrin që ka ndikuar në analizë ka një sërë provash për këtë pretendim.
E para, ka ndikuar prokuroria sepse që në atë fazë dihej fati i çështjes në Gjykatë të Lartë dihet, që do jetë pafajësia, një rrymë ndikimi.
E dyta, kanë ndikuar ndërkombëtarët për të treguar dhe për të sjellë në vëmnedje procesin e hapjes së negociatat se është vënë ish-ministri i Brendshëm në përgjegjësi penale dhe është nën efektin e nje vendimi penal.
Kanë ndikuar rrymat politike qoftë pozitë dhe qoftë dhe nga brenda, për të eliminuar një figurë një ministër të Brendshëm të të tjerave përmasave dhe të tjera dimensioneve.
Krasta: Ti dhe një përgjigje por për mua është e papranueshme. Nga ambasadat e huaja, kush, cila emrat?
Haxhia: Thashë ndërkombëtarët, por për ambasadat mund të them vetëm që kur ish-ministri Tahiri hoqi njollën e zezë nga harta prodhimin e kanabisit nga Lazarati. Në pallat të Kongresit kishte një takim dhe ish-ambasadori amerikan Lu u cilësua si kampioni në luftën kundër drogës.
Mbas vendimit të pafajësisë për përfshirje në trafikimin e drogës, ngeli vetëm shpërdorimi i detyrës.
Krasta: Po hyjmë në anale flu të historive tha ai tha ky. Ti thua që kanë ndërhyrë njerëz nga rrethi brenda partisë por për mua nuk është bindës argumenti deri tani!
Haxhia: Unë nuk jam i linjave partiake. Jam avokati i tij dhe argumentat juridik nuk konkurronin dhe i bie që ajo gjykatë me atë nivel nuk mund të jepte atë vendim. Atëherë mund të themi se pati një ndikim dhe presion nga ndërkombëtarët për të raportuar në procesin…
