Modelja Silvana Bushati ka qenë pjesë e Kafazit të Artë, një format i ngjashëm me Big Brother Vip, dhe prandaj është skeptike për vërtetësinë e ngjarjeve që ndodhin brenda shtëpisë më të famshme në Shqipëri.
Në një intervistë për Abcnews.al, ajo shprehet se ky program funksionon në bazë të një skenari. Bushati thekson se nuk do pranonte kurrë të ishte pjesë e një formati të tillë që të përdorej për para pasi nuk pranon ta shesë veten.
Një nga reality show-t më të përfolura të momentit është edhe Big Brother, a ke pasur ftesë për të marrë pjesë në big brother?
“Ftesat janë të shumta por duke qenë se unë kam fituar një reality show të tillë më është dukur si të vazhdoja sërish klasën e parë… Big Brother mesa kam parë dhe dëgjuar thonë që është diku skenar, diku provokim. Nuk do duroja dot unë si Silvana nëse do më përdornin për lojë, për lek nuk do t’a shisja kurrë veten.”- tha Silvana.
Silvana deklaroi gjithashtu se është zënë disa herë edhe me meshkuj dhe në një nga këto raste ka rrahur njërin prej tyre.
“Femra, një është e deklaruar që e kam rrahur për Vitin e Ri tek kafazi i artë. Meshkuj kam rrah një, mund të jem zënë edhe disa herë sepse kam qenë karakter çuni që fëmijë, kam ndejtur vetëm më shokë”, thotë Silvana Bushati.
