Avokati Sokol Azizaj gjatë një lidhje në Skype në emisionin “Me Xhaxhiun” ka folur për shkarkimin e Presidentit të Republikës, Ilir Metës.
Sipas Sokol Azizajt, Gjykata Kushtetuese është e detyruar në vendimin e saj të shpjegojë me detaje pretendimin e Metës për ngritjen e Komisionit Hetimor.
“Ne kemi fatin e madh që veprimtaria e organeve kushtetuese i referohet dy momenteve ligjore: Së pari i referohet Kushtetutës së Republikës së Shqipërisë dhe së dyti, ligjeve për organizimin dhe funksionimit të vet organit. Kuvendi që ka marrë iniciativën duke ngritur komisionin për gabimet kushtetuese: Një krim i rëndë dhe veprim antikushtetues të presidentit sipas tyre. Referuar këtyre momenteve nga pikëpamja ligjore, në mënyrë absolute nuk lejohet që në 4 muajt e fundit mos ndikohet në procesin zgjedhor nuk lejohet ngritja e komisioneve me karakter hetimor. Në këto raste, Kuvendi i mërparshëm nuk ka pasur të drejtë që 4 muajt e fundit të ngrihet një veprimtari hetimore.
Gjykata është e detyruar që në vendimin e saj të shpjegojë në mënyrë shteruese pretendimin e presidentit Meta për ngritjen e komisionit hetimor , veprimtaria e fundit të kuvendit të Shqipërisë në legjislaturën e kaluar se kush përbën krim të rëndë dhe apo veprimtari jo kushtetuese të presidentit Meta.
Gjykata Kushtetuese duhet të japë shpjegim deri në pafundësi, çfarë përbën krim i rëndë për figurën e presidentit të republikës dhe çfarë bënë shkelje të kushtetueses nga Presidenti.
Ne jemi para një vakumi ligjor. Sot në Shqipëri, presidentit i mungon ligji për organizimin dhe mënyra si funksionon presidenca në Përgjithësi. Paketa normuese s’ka të bëjë me karakterin unik që përfaqëson figura e presidentit. Atje ku mbaron liria ime , fillon liria juaj, aty ku mbaron liria e Presidentit fillon liria e Kuvendit. Secili pushtet ka kufijtë e lirisë së tij dhe në këtë kuptim dispozitat referuese kushtetuese përbëjnë normën e përcaktimit të kufive të presidentit të republikës që ai vepron nëpërmjet akteve dhe dekreteve. Sjella politike e presidentit si gabim i rëndë kushtetues do të thotë që nesër ne nuk kemi më një president që në mungesë të gjykatës së lartë të luajë rolin e ekuilibrit të pushteteve”, përfundoi Azizaj.
