Teksa në Gjykatën Kushtetuese zhvillohet seanca e radhës për të shqyrtuar kërkesën për shkarkimin ose jo të Presidentit të Republikës Ilir Meta, këshilltari Bledar Dervishaj ka shprehur shqetësimin në lidhje me provat e Kuvendit, të cilat sipas tij janë falsifikuar.
Lidhur me këtë ka reaguar edhe zëdhënësi i Presidentit Ilir Meta, Tedi Blushi i cili shkruan në një postim në rrjetet sociale, se Kuvendi ndjek me besnikëri të plotë rrugën e manipulimit dhe falsifikimit të provave.
Ndërkohë Blushi ka njoftuar edhe një prononcim për mediat nga Këshilltari i Presidentit për Çështjet Ligjore, Bledar Dervishaj, i cili përfaqëson Metën në Kushtetuese.
