Kryeministri Edi Rama ka postuar në rrjetet sociale numrin e bebeve që kanë përfituar bonusin në 3 vite. Rama shkruan se janë 150 mijë fëmijë që kanë përfituar këtë bonus.
“Me kënaqësinë e krenarinë për thuajse 150 mijë fëmijë, të cilët kanë përfituar bonusin e bebes në 3 vite, me programin tonë të ri të mbështetjes për çdo të porsalindur, ju uroj një javë të mbarë🙏”, shkruan Rama.
E ndërkohë që Kryeministri evidenton shifrën e bebeve që kanë përfituar bonus, janë me mijëra familje që jetojnë nën minimumin jetik dhe po me mijëra fëmijë që prindërist e tyre nuk arrijnë t´i përmbushin kërkesat, qoftë edhe më shkollim normal, për shkak të nivelit të lartë të varfërisë.
