Një avion me trupa amerikane u ul sot në Poloni, tha një dëshmitar për Reuters, ndërsa Uashingtoni përforcon ushtarakisht aleatët e NATO-s në Evropën Lindore, pas forcimit të forcave ushtarake ruse në kufirin me Ukrainën.
Presidenti i SHBA Joe Biden urdhëroi të mërkurën një shtesë prej 3,000 trupash amerikane që të vendosen në Poloni dhe Rumani ndërsa Uashingtoni po lëviz për të siguruar aleatët e tij nervozë të NATO-s që të mbajnë angazhimet e tyre.
Mbërritja e sotme e ngarkesës amerikane C-17 pasoi mbërritjen e një avioni që mbante komandantin, gjenerallejtënant Christopher Donahue, i cili u ul dje në aeroportin Rzeszoë-Jasionka, si dhe disa avionë të tjerë amerikanë që mbanin pajisje.
Numri i trupave amerikane të transferuara nuk dihet saktësisht, por një avion C-17 “është projektuar për të hedhur 102 parashutistë dhe pajisjet e tyre”, sipas faqes së internetit të Forcave Ajrore të SHBA.
“Kontributi ynë kombëtar këtu në Poloni tregon solidaritetin tonë me të gjithë aleatët tanë këtu në Evropë dhe veçanërisht në këtë kohë pasigurie, ne e dimë se jemi më të fortë kur jemi bashkë,” tha Donahue sot.
Ministri polak i Mbrojtjes Marius Blastsak tha disa minuta pasi avioni u ul se ishte mbërritja e grupit të parë të trupave amerikane “nga një njësi elitare”.
Më shumë avionë do të ulen në orët e ardhshme. “Ushtarët do të operojnë në anën juglindore të vendit tonë”, shtoi ministri.
Rusia ka mohuar planet për të pushtuar Ukrainën, por ka dislokuar më shumë se 100,000 trupa pranë kufirit ukrainas dhe tha se mund të ndërmarrë veprime të pacaktuara nëse kushtet e saj nuk përmbushen, duke përfshirë një premtim të NATO-s për të mos u anëtarësuar.
