Sot është data 6 shkurt, por fiks pas një muaj kemi zgjedhje të pjesshme vendore, ku dy janë bashki të mëdha, pra Durrësi dhe Shkodra.
Përplasja më e madhe do të jetë mes Bashës dhe Berishës, ku ndërkohë Basha ka marrë me vendim gjykate vulën dhe siglën e PD-së. Natyrisht edhe zyrat në Selinë Blu. Ndërsa për tu regjistruar në këto zgjedhje ish-kryeministri Berisha gjeti një mënyrë ligjore, porse jo politike.
Nuk kishte zgjedhje tjetër veçse të futej nën siglën e LSI dhe PDK të cilat janë parti zyrtare. Berisha nxori sloganin “SHTEPIA E LIRISE”, por ama i detyruar që kandidatët e tij të regjistrohen në KQZ me firmën e Monika Kryemadhit dhe Nard Ndokës.
Me 6 mars, në darkë, do merret vesh testi se cili ka me shumë vota në opozitë; Basha apo Berisha.
Në varësi të këtij testi do të varet fati politik i sejcilit prej tyre.
Tre janë mundësitë e testit real.
Nëse kandaditët e Berishës do marrim me shumë vota, fjala vjen mbi 80 % të votave demokrate dhe Basha diku te 20 % atëhere Berisha del i fituar edhe pa fituar ndonjë Bashki. Nëse merr bashkinë e Shkodrës kandidati i Berishës, demokratët do ta brakistin Bashën.
Varianti tjetër që nëse Basha merr me shumë vota se Berisha (pra kandidati i tij) atëhere Basha blindohet dhe ish-kryeministri duhet të ikë me vrap në shtëpi dhe të shkruaj libra.
Varianti me sherxhi mund të jetë kur votat demokrate ndahen mes Berishës dhe Bashës në mënyrë pothuaj të barabartë. Në këtë rast sherri nuk ndalon mes tyre, por vulën dhe selinë blu e mban Basha. /Koha Jone/
