Ministria e Shëndetësisë njoftoi këtë të Shtunë se në Kosovë janë regjistruar katër viktima dhe 1,721 raste të reja me COVID-19, nga 8,205 testime.
Sipas raportit të Ministrisë së Shëndetësisë, që i referohet të dhënave të 24 orëve paraprake, janë shëruar edhe 2,704 pacientë.
Raste aktive aktualisht janë 30,097.
Sa i përket vaksinimit, në 24 orët paraprake janë administruar 2,407 doza të vaksinës kundër koronavirusit.
Në Kosovë, aktualisht me dy doza të vaksinës janë imunizuar 807,900 persona.
Sot, në Kosovë hyjnë në fuqi masat e reja lehtësuese kundër koronavirusit.
