Arjola Demiri ka bërë një rrëfim prekës në spektaklin e “Big Brother Vip” mbrëmjen e djeshme. Ajo ka folur për një nga momentet më të vështira në jetën e saj. Aktorja tregoi se vajza e madhe nuk donte ta takonte pas divorcit që pati nga bashkëshorti.
“Planifikova ta rrëmbeja Helgën, mes shumë lutjesh e prisja. E pashë kur kalonte dhe futem mes makinës. E mbërtheva kurse ajo u tremb, më pa në sy dhe më tha që s’dua të vij me ty.
E kam kapur e futa në makinë dhe e çova në shtëpi. I thashë që mami ka nevojë vetëm të të përqafojë. Nuk më linte ta prekja, i premtova se do e lija në qetësi po vetëm të dëgjoja dhe një herë të më thërriste “mama”, tregoi aktorja.
