Me fundjavën po vjen dhe rritja e temperaturave. Lajmin e dha sinoptikania e MeteoAlb, Lajda Porja për Klan News, e cila ka treguar se moti të shtunën dhe të dielën pritet të jetë me diell në të gjithë territorin shqiptar.
“Sot ka vijuar të jetë akoma i ftohtë mëngjesi. Mbeten temperatura minus 5 dhe minus 6 gradë në mëngjesin e sotëm, kryesisht në zonat veri-lindore minus 4, minus 6 gradë, në zonat veri-lindore; bregdeti dhe zonat e ulëta janë relativisht nga 2-6 gradë mëngjeset. Ndërkohë do të thoja se lajmi i mirë është se mëngjeset do të kenë një rritje të ndjeshme të tyre duke qenë se do të kemi prezent rrezatimin diellor, domethënë do të kemi kthjellime gjatë gjithë mesditës duke bërtë që termometri të ngjitet deri ne 13 gradë.
Lajmi i mirë është se fundjava do të sjellë rritje të temepraturave sidomos në vlerat minimale që nga mëngjesi i së shtunës, por edhe e diela do të sjellë rritje të temperaturave, ku zonat malore do të jenë jo më shumë se minus 2 apo 3 gradë duke iu afruar kështu edhe vlerave të ditëve të Shkurtit duke qenë se janë disi më të ulëta. Pritet që termometri të ngjitet deri në 15 gradë”, tha ajo.
“Fundjava do të jenë me diell në të gjithë territorin shqiptar, vranësirat do të jenë të pranishme kryesisht pas mesditës. I gjithë territori do të jetë pa reshje. Parashikohet që era të jetë më e lehtë të shtunën dhe të dielën pasi sonte do të jetë herë pas here e bezdisur me shpejtësi 45 km në orë”, shtoi Porja.
