Përgjimet ambientale dhe telefonike kanë zbuluar rrjetin që funksiononte në institucionin e paraburgimit të Elbasanit, Bradashes. Për sende të ndaluara apo favore që donin në qeli, të paraburgosurit linin shpërblimin tek pronarët e lokalit pranë këtij institucioni, e më pas ato futeshin brenda nga policët e paraburgimit thuhet në dosjen e siguruar nga Ora News.
13 personat në hetim në kuadër të kësaj dosjeje do të dalin sot para gjykatës së Elbasanit për vlerësimin e masës së sigurisë.
Përgjimi i parë
Tre të arrestuar për trafik droge vihen në përgjim ambiental në paraburgimin e Elbasanit. Ata janë Genci Xhahysa, Ervin Velia, Engli Pjeçi që të tre banorë të Bashkisë Kavajë.
Genci Xhahysa porosit një të afërmit të tij me emrin (D…) të ndihmojë që nëpërmjet pronarëve të lokalit i cili ndodhet përpara derës kryesore të hyrjes së këtij institucioni të japë shuma të ndryshme parash punonjësve të paraburgimit me qëllim marrjen prej tyre të favoreve të ndryshme si akomodimi në dhomë të mirë dhe që ai të jetë së bashku me dy shokët.
Nga përgjimet telefonike dhe vëzhgimet ambjentale rezulton se ai, pra D-ja, porositet nga Genci Xhahysa dhe Ervin Velia që të dërgojën tek Gentjan Gjata, pronari i lokalit pranë paraburgimit, një shumë prej 20.000 lekë me qëllim që ky i fundit tia japë shtetasit Hysni Ndreu (me detyrë shef i Paraburgimit Elbasan) dhe shtetasit Gazmir Meta ( me detyrë grup sigurie në Institucionin e Paraburgimit Elbasan) me qëllim futjen në një dhomë të mirë në momentin që ata të mbarojnë karantinën.
Në përgjimet telefonike rezulton se shtetasit Genci Xhahysa i thotë D. qe kur të takohet me shtetasin Gentjan Gjata tia japë paratë dhe ti thotë janë porosia e Rigers Mihas (i paraburgosur). Nga përgjimet ka dyshime se lidhjen mes Hysniut dhe Genci Xhahysës dhe Ervin Veliut e ka bërë i paraburgosuri Riges Miha.
Biseda është bërë më 20 nëntor 2021.
IEVP Bradashesh ( numri I telefonit të burgut) …Lokalin para burgut e di, e pe?
D: Po e di, po.
Bradashesh: E pe e? eshte pronari aty, aty duhet të jetë gruaja ose pronari.
D: Po.
IEVP Bradashesh: Edhe do li lesh 200 mije leke, këto jane për filonin, 100 do ti japi baba i atit,
D: Ehhe!
… do shkosh aty tek pronari do i thush këto janë për Rigërs Mihen, mbaji ketu se do vine ti marrin thuj, kaq.
D: Ok.
IEVP Bradashesh: Tek dera, tek burgu, kaq.
D: E kam parasysh, tek lokali.
IEVP Bradashesh: Eh tek lokali, aty shif pronarin, eshte o gruja, o..
D: Po pra i njof njof..,
….
Bradashesh: Ehh! Jo po flisja me nje shoke ne anen tjeter se i thashe qe neser i ke leket aty.
D: ehhe! Ok.
IEPV Bradashesh: Se jane per ate te modhin ketu, vari lesht, qe t’na leje te treve.
…..
IEVP Bradashesh: Noj kat, ndonje nji…, shif vet, ai tjetri, apo s’e ngacmove?
Dardani: Jo s’e ngacmova ate.
IEVP Bradashesh: po mire, shit mos ka shkrujt, se thuj thjesht sepse une nuk kam vale thuaj, e mbaj fike, e kupto, prandaj e ndezi gjate mbasdites, nese po lie, vari lesht, shif ato neser, atyre shegeve iher me i hy kshu. me theme! edhe dy arka nuk prish
Përgjimi dy
Merren në përgjim Gentjan Gjata i cili komunikon me persona të cilët janë të paraburgosur dhe më pas flet me familjarë të tyre me qëllim futjen e sendeve të kundraligjshme në ambjetet e paraburgimit kundrejt shumave të ndryshme të parave të cilat ua jep punonjësve të këtij institucioni.
Në telefonaten e datës 25.11.2021 ora 10 e 29 rezulton se shtetasi Gentjan Gjata merret në telefonin e tij nga nr i cili përdoret nga i paraburgosuri Klevis Deliaj ku ky i fundit i thote Gentjanit që ti japë 100 atij të madhit.
Klevisi: O Gento Miremengjesi Klevisi jam-o.
Genti: Miremengjesi. O Klevis. He mo care Ban?
Klevisi: Mire ke qene ti?
Genti: Mire mo shtyhem hajde.
Klevisi: Ke aty ti japesh 100 atij o burre.
Genti: Te madhit ?
Klevisi: Eee.
Genti: Po kam e kam, po te ndihmoj, po ngushte jam nje cike, po hajt po e bej.
Klevisi: Shume faleminderit.
Genti: Mire.
Klevisi: Je i nderuar.
Genti: Hajt hajt.
Klevisi: Faleminderit.
Në telefonatën e datës 25.11.2021 ora 08 e 43 shtetasi Gentjan Gjata merret në telefon nga numri 06…..i cili i thotë se duhet ti japësh një porosi një polici te paraburgimi. Nga biseda rezulton se personi i cili përdor këtë numër i thote që ti japësh Hysni Ndreut një shishe uiski dhe këtë e ke nga Gentja Sula Dibrani kati i trete.
Genti: Miremengjes.
Numri I telefonit 06..: Alo Miremengjesi. Si mu gdhive?
Genti: Mire mire. Ckemi ?
Numri I telefonit 06..: A je ne pune?
Genti: Jo jo nuk jam ne lokal. He? Me thuj?
Numri I telefonit 06..: Nuk je. Desha që të të jap një porosi tja japësh një polici atje.
Genti: ehe.
Numri I telefonit 06..: Nje Hysni Ndreut
Genti: Po.
Numri I telefonit 06..: Ti japesh nje shishe Eiski
Genti: ehe.
Numri I telefonit 06…: E ta shkrush nga nga Dibrani Gentjan Sula.
Genti: Po.
Numri I telefonit 06..: Kati i trete. Mire.
Genti: Mire.
Numri I telefonit 06..: Do ma besh kete porosine? E man men?
Genti: Posi jo e nje shishe.
Numri I telefonit 06…: Nje shishe eiski edhe emrin Gentjan Sula, Dibran.
Genti: Po
Përgjimi 3
Shtetasi Gentjan Gjata nëpërmjet numrit te tij komunikon me shtetasin Gentjan Mino(i paraburgosur) i cili përdor numrin telefonik 05… dhe i kërkon që nëpërmjet Hysni Ndreut dhe Gasmir Metës të fusë bidona me pije alkolike dhe disa kuti në të cilat dyshohet se janë me lëndë narkotike.
Nga përgjimet rezulton se pasi shtetasi Gentjan Mino bën porosinë shtetasit Gentjan Gjata ia jep sendet Hysni Ndreut i cili i fut brenda në IEVP Elbasan dhe ia jep ato Gentjanit.
Po kështu nga përgjimet rezulton se pagesat në para ja jep Gentjani Gjata shtetasit Hysni Ndreut nga ku rezulton se per pijet alkolike pagesa është 50 euro.
/Ora News/
