Jo vetëm vera që ishte zhgënjyese por edhe në merkaton e dimrit, Lazio nuk lëvizi asgjë për të blerë lojtarë që janë shumë të nevojshëm për Sarrin dhe kjo ka irrituar shumë tifozët bardhebkaltër.
Qindra prej tyre dolën sot në qendrën stërvitore të Lazios duke protestuar kundër klubit, veçanërisht ndaj Dr. Sportiv, Igli Tare dhe presidentit Lotito, fajtorë sipas tyre për një merkato të dështuar në verë dhe tani për dështim total pa asnjë përforcim.
“Kontestimi bëhet në stadium, në fushë, në prani dhe jo vetëm me komente në rrjetet sociale. Ne kemi qenë dëshmitarë të një merkato qesharake dhe improvizuese, rezultat i një projekti që nuk ekziston… Tani Mjaft”, lexohet në komunikatën e ultrasve të Curva Nord të kësaj skuadre.
Lazio në fakt bëri lëvizje shumë të vogla në merkato duke afruar një sulmues krahu, Cabral nga Sporting dhe mbrojtësin e krahut, Kamenoviç. Emra të panjohur që për tifozët konsiderohet një merkato qesharake.
Ata sot kënduan emrin e ish presidentit Cragnotti i cili u dha edhe titullin e fundit në vitin 2000.
