Personazhi i njohur televiziv, Simon Cowell ka thyer krahun pasi bëri aksident me biçikletë elektrike.
Një burim tha për Page Six se 62-vjeçari po ngiste biçikletën kur rrëshqiti dhe u rrëzua në tokë. Por raportohet se gjendja e tij shëndetësore është mirë.
The Sun raporton se Cowell ishte “me fat që ishte gjallë”, pasi nuk kishte vendosur helmetë në kokë kur u aksidentua.
Kujtojmë se kjo nuk është hera e parë që anëtarit të jurisë së “America’s Got Talent” i ndodhi diçka e tillë. Në gusht të vitit të kaluar ai theu shtyllën kurrizore në tre vende pasi u aksidentua me biçikletën elektrike jashtë rezidencës së tij në Malibu. Ai iu nënshtrua një operacioni gjashtë-orësh dhe mjekët i futën një shufër metalike në shpinë.
