Lori dhe Sara Hoxha, të ftuara në emisionin “Pardon my French”, folën rreth “Big Brother VIP”. Lori tha se ky reality show ka pasur një impakt të madh në publik.
“Ky ishte qëllimi i “Big Brother Vip Albania”, që të lëmë çdo hall dhe për disa orë të merremi me diçka që na relakson. Unë kisha një pritshmëri të mirë pasi ky format gjithnjë ka patur sukses, por ka qenë habi e madhe si është pritur dhe sa impakt ka patur në publik. Kam kuptuar që njerëzit i kishte marrë malli për një “Big Brother Vip” të tillë”, tha ajo.
Ndërkohë, Sara Hoxha na tregon se pse sipas saj një Big Brother me personazhe të famshëm përqafohet më shpejt nga publiku.
“Është dhe koncepti VIP-a, pasi që javën e parë ti fillon krijon një afrimitet me dikë që e njihje edhe më parë, fansat janë apasionuar që javën e parë, që muajin e parë.”
Mes të tjerash, dy motrat konfirmuan se “Big Brother VIP” do të ketë dhe sezon të dytë.
“Do të kemi. Gjëra për të rregulluar ka gjithmonë, por mendoj se ka shkuar mirë. Jemi shumë të lumtura me suksesin e “Big Brother Vip Albania”.”
