Po afrohet fundjava e Serisë A, ku gjithë vëmendja do të jetë te derbi i Milanos. Mbrojtësi i Inter-it, Alessandro Bastoni, ka folur për DAZN në prag të ndeshjes së madhe.
NË FËMIJËRI – “Fatmirësisht i kam parë ndeshjet me babanë tim që është interist kështu që nuk kishte shumë debate. Një nga vëllezërit e mi është romanist, i dashuruar me Totti-n: nuk ka qenë kurrë një ‘rival’. Tjetri e urren futbollin, aq sa ka ardhur vetëm një herë të më shikojë, kur kam qenë tek Atalanta: në San Siro nuk ka shkelur kurrë”, ka thënë Bastoni.
AKTUALITET – Nga fëmijëria tek e tashmja me ndeshjen që mund të vendosë fatin e sezonit në Serinë A: “Do të jetë shumë e rëndësishme të mos humbasim pikë me skuadrat e vogla për të ruajtur diferencën në përballjet direkte që mund të përfundojnë në çdo mënyrë.
“Mungon akoma edhe një fazë, është shpejt; vitin e kaluar nuk ishim as në krye të renditjes dhe kemi fituar në fund me dhjetë pikë diferencë. Natyrisht, do të jetë e rëndësishme të mos humbim”.
THUMBIM – Nuk ka munguar edhe një thumbim ndaj rivalëve për sa i takon së ardhmes: “Nëse do të shkoja në të ardhmen te Milan-i? Absolutisht jo, më pas janë zgjedhje. Për sa më takon, nuk ka asnjë 0.1% të mundësisë që unë ta bëj një zgjedhje të tillë”.
