Trupa gjykuese në Kushtetuese vendosi të shtyjë për të Hënën seancën për shkarkimin e Presidentit Ilir Meta.
Anëtarët e Gjykatës i drejtuan 70 pyetje përfaqësuesit të Presidentit, Bledar Dervishajt, i cili kërkoi 48 orë kohë për t’iu përgjigjur pyetjeve, me argumentin se duhet të informojë edhe Metën për këto pyetje.
Kryetarja e Gjykatës, Vitore Tusha, caktoi seancën e rradhës më 7 Shkurt. “Duke u nisur nga natyra e gjykimit dhe mban parasysh kërkesën për 48 orë të përfaqësuesit të presidentit, dhe nga volumi i pyetjeve. Kjo kohë do të përdoret edhe nga iniciuesi i gjykimit për t’u njohur. Seanca e radhës ditën e hënë ora 10:00”, tha ajo.
Përfaqësuesi ligjor i kreut të shtetit tha për mediat pas seancës se “nuk ka lëndë për të iniciuar procesin e shkarkimit të presidentit”.
“Presidenti ka kërkuar që prej datës 1 Korrik që ky proces të përfundonte brenda legjislaturës së Kuvendit të vjetër. Komisionet e vjetra nuk ishin në periudhë fundore, ky i fundit u ngrit pas zgjedhjeve që nuk lejohet”, deklaroi Dervishaj.
