Kukësi, Dinamo dhe Partizani, janë 3 skuadrat e Superiores, që zhvillojnë stërvitjen në të njëjtin kompleks në “Football Republic”. Në dukje absurde dhe e pakonceptueshme se si 3 skuadra rivale të elitës së futbollit shqiptar, stërviten pranë njëra-tjetrës, por mungesa e infrastrukturës sportive, ka sjellë këtë gjendje aspak normale.
Pak ditë më parë, trajneri i Kukësit, Diego Longo, me anë të një fotoje të publikuar në profilin e tij në rrjetin social “Facebook”, akuzoi stafin e Dinamos për spiunazh, pasi po ndiqnin nga afër stërvitjen e verilindorëve.
Ndërkohë së fundmi, “Panorama Sport”, ka arritur të sigurojë një video ekskluzive nga kompleksi “Football Republic”, ku shihen futbollistët e Dinamos, të grupuar, teksa ndjekur stërvitjen e Partizanit./Panoramasport