Dinamo vijon të ketë probleme në Superiore. Edhe pas afrimeve të merkatos, kryeqytetasit nuk arrijnë të fitojnë madje edhe me një lojtarë më shumë për 80 minuta lojë.
Në Rrogozhinë, Dinamo u ndal nga Egnatia që duhet pranuar se bëri një ndeshje të madhe dhe me zemër teksa çdo gjë nisi mjaft mirë për miqtë të cilët që pas 4 minutash lojë morën një bonus pas daljes së Krasniqit me të kuq.
Ky vendim shaktoi polemika dhe ndalesa teksa në goditjen e dënimit, Ibraimi tregon menjëherë klasin duke shënuar golin e avantazhit.
Gjithsesi, pësimi i golit dhe fakti që ishin në inferioritet numerik nuk e ndali Egnatian e cila vijoi sulmet duke rrezikuar disa herë portën.
Pjesa e pare mbyllet 1-0 për miqtë por fraksioni i dytë nis me vonese pasi tifozët gjatë gjithë kohës kontestonin arbitrin Enea Jorgji për kartonin e kuq të akorduar.
Pas disa vonesash loja rinis dhe menjëherë në 56’ Egnatia barazon llogaritë me një gol të Ademit i cili përfiton nga gabimi i Samake.
Goli karikon tifozët vendas teksa skuadra e Shkëmbit hidhet në sulm megjithëse është e paqartë. Dinamo tenton me çdo mënyrë për të shënuar por nuk ia del duke u larguar me një barazim zhgënjyes nga Rrogozhina.
