Gjykata e Shkodrës vendosi sot masën e sigurisë së arrestit me burg për çiftin e vlonjatëve, Arben dhe Anisa Hoxha, të cilët pak ditë më parë tentuan të grabisin një argjendari në qendër të qytetit të Shkodrës. Ata kishin udhëtuar nga Vlora për të grabitur argjendarinë në Shkodër, por plani i tyre dështi, pasi hasën në rezistencën e pronarit të argjendarisë.
Çifti kishte menduar të realizonte grabitjen duke përdorur një sprite, që ia hodhën në fytyrë pronarit të argjendarisë, i cili u përlesh me ta, i neutralizoi dhe në fund ishte policia që arrestoi çiftin e të rinjve.
Ngjarja ka ndodhur në lagjen Demokracia në Shkodër, ku nga pamjet duket sesi çifti i ri është futur në ambientet e argjendarisë sikur janë të interesuar për të blerë dhe pronarët burrë e grua kanë vendosur mbi banak kutinë ku janë të vendosura bizhuteritë.
Ndërkohë në një moment gruaja Anisa Hoxhaj e cila ishte në shoqërinë e bashkëshortit Arben nxjerr nga xhepi i majtë një objekt dhe ua ka hedh në sy pronarëve në tentative për të marr bizhuteritë dhe për tu larguar.
Në rrjetet sociale, dy të rinjtë duket se bënin një jetë luksoze, me bizhuteri si varëse floriri apo orë rolex dhe veshje të shtrenjta.
