Përhapja e variantit Omicron ka shkaktuar një numër të madh infektimesh dhe hospitalizimesh me Covid në të gjithë botën, ku si rrjedhojë janë rritur edhe numrat e fataliteteve.
Italia, për shkak të përhapjes së Omicron, ka shënuar një numër të madh të infektuarish, ku së fundmi si pasojë e Covid ka humbur jetën një 2-vjeçare, e cila një ditë më parë ishte shtruar në spitalin e Romës.
Mediat vendase bëjnë me dije se vogëlushja nga Catanzaro u transportua me një C-130J të Forcave Ajrore të zbarkuar në Ciampino, por nuk ia ka dalë që të mbijetojë. Sipas mjekëve, 2-vjeçarja për shkak të infeksionit të Covid, kishte dëmtim të rëndë në rrugët e frymëmarrjes.
