Nga Taulant Halili/ BoldNews.al
E enjtja ka qënë një përballje bigësh në media për shqiptarët, ku përballë njëri-tjetrit ishin ish-kryeministri Sali Berisha dhe kryeministri Edi Rama, të cilët shpalosën qasjet e tyre ndaj publikut.
Edhe pse i larguar nga qeveria në 2013-n, Berisha kishte një ndjekje më të madhe përballë Ramës, aq sa dukej sikur ai është ende kryeministër.
Më gjithë të metat, mangësitë, e gabimet e veta në qeverisja Berisha vijon të jetë politikani primar në Shqipëri, aq sa audienca vijon ta ndjekë në çdo dalje mediatike.
I qartë në mendimet e veta, preçiz në atë që thotë dhe që premton për të ardhmen e afërt, Berisha, foli për primaret, ku zgjedhësi jo vetëm zgjedh përfaqësuesin e vet, por edhe kandidatin, gjë që në Shqipëri është risi.
Ndërkohë në anën tjetër ishte kryeministri Edi Rama, i cili vetëm si i parë qeveri nuk foli (Nuk ka folur kurrë), pasi nuk premtoi, mbrojti palët sikur të ishte aksioner, por në asnjë moment qytetarët.
Nëse dikush që do të shihte sot për herë të parë një emision televiziv, do të ish i bindur që përballë njëri-tjetrit do të ishin Kryeministri Sali Berisha përballë opozitarit Edi Rama, sepse mënyra e të folurit ishte e tillë, i pari flet për program, të ardhme e projekte, i dyti sulme ndaj kundërshtarit politik dhe premtime që duken sikur nuk i ka në dorë.
Çuditërisht shqiptarët kanë 9 vite tashmë që njohin të njëtën retorikë, Berisha që ende sillet e vepron si shtetar, e Rama që vjedh e vepron si opozitar.
6 Marsi duket një ditë ende larg, por shumë e afërt për sprovën e madhe politike, kjo më tepër për Berishën, i cili tashmë mbështetjen mediatike e popullore duhet ta përkthejë në votë, ndërsa Rama si pushtetar duhet të fitojë votat si opozitar, pasi të gjithë e shohin se si është katandisur Shqipëria sot.
