Inspektorati ndërtimor dhe policia bashkiake zbarkojnë te Federata Shqiptare të Futbollit.
Ende nuk ka asnjë informacion se pse po kryhet ky inspektim, por raportohet se ka të bëjë me respektimin e kritereve në ndërtimin e zyrave të reja të FSHF-së si dhe ambienteve përreth, që janë 2 fusha stërvitore.
Mes kryetarit të Bashkisë Tiranë Erion Veliaj dhe kreut të FSHF-së Armand Duka ka pasur përplasje ditët e fundit. Situata vjen në një kohë kur para janë zgjedhjet për kreun e FSHF-së. Duka kandidon për një tjetër mandat, ndërsa Veliaj e ka akuzuar për korrupsion dhe ka kërkuar dorëheqjen e tij.
