Deputetja dhe politikania nga Ukraina Iryna Friz ka falenderuar Kosovën për mbështetjen që i ka dhënë në lidhje me konfliktin rus. Me anë të një postimi në Facebook, Friz ka falenderuar Presidenten Vjosa Osmani si dhe ish-Ministren e Jashtme Vlora Çitaku për mbështetjen që i kanë dhënë Ukrainës.
“Shumë faleminderit miqve tanë nga Kosova, Presidentes Vjosa Osmani dhe ish-Ministres së Punëve të Jashtme të Kosovës Vlora Çitaku për mbështetjen e Ukrainës në kohën e kërcënimit të pushtimit rus. Jam e bindur se Ukraina duhet të mbështesë miqtë e vërtetë, të cilët gjithashtu zgjodhën pavarësinë e tyre. Është koha për të refuzuar standardet e dyfishta. Miqtë e Ukrainës nuk janë ata që dërgojnë militantë pro-rusë në tokën tonë, por ata që gjithashtu nën kërcënimin e konfliktit të armatosur, shprehin mbështetje për shtetin tonë”, shkruan Friz.
