“Lulzim Bashën nuk e konsideroj si njeri normal, jo më si politikan”, u shpreh kryetari i PDK, Nard Ndoka në një lidhje “skype” me studion e Fax News ku ka folur lidhur me organizimin e zgjedhjeve të pjesshme lokale në vend.
Ndoka tha se sot Basha nuk gëzon mbështetjen e asnjërit prej aleatëve duke shtuar se mbështetja shkon për grupimin e Rithemelimit të PD.
Ndër të tjera, Ndoka kujtoi edhe rastin e bojkotit të zgjedhjeve lokale në 2019, duke kujtuar se Basha u i kishte mashtruar duke i siguruar se kishte mbështetjen e armerikanëve dhe se do të organizoheshin zgjedhje të reja lokale.
“Sot ai nuk është as kryetari i PD por në marrëdhëniet që u krijuar, Basha u tregua një politikan tinëzar, i pabesë edhe në agjendën e krijuar së bashku. Unë personalisht nuk e konsideroj fare si politikan por as si njeri normal që mund të flasësh me të. Në këtë kuptim, edhe në pjesën morale që ka mbetur tek PD, ne do mbështesim grupin e Rithemelimit që drejtohet nga zoti Berisha.
Të them të drejtën ne kemi pasur kontakte të vazhdueshme njëri me tjetrin. Për të gjithë është një moment mjaft delikat. Unë dhe partia Demokristiane e kemi vendosur me kë do jemi, por asnjë prej aleatëve nuk e sheh veten komod me Lulzim Bashën. Të gjithë aleatët janë më afër grupit të Rithemelimit të PD për shumë arsye. Ne shohim si rrezik pjesën e opozitës sot, është hera e parë në 30 vite demokraci që lideri i opozitës është kapur peng nga kryeministri.
Ju e patë vetë se vetëm fubtollin e quanin si “ishull të pashkelur” se Lulzim Bravën nuk e konsideronin si një problem më. Sot nuk kemi një opozitë që të kontrollojë këtë kryeministër, kemi një kryetar të PD që është kapur peng dhe kryen pazare me kryeministrin. Ky besoj duhet të jetë shqetësimi ynë kryesor”, u shpreh Ndoka.
A i shihni kandidatët e PD si të penalizuar?
Ndoka: Nuk është situatë normale por e konsideroj si të domosdoshme futjen në zgjedhje sepse kemi sot Lulzim Bravën që e ka kapur selinë dhe nuk e lëshon për asgjë në botë. Unë nuk e mbështes Berishën se ka ndonjë hall, por sepse kauza e tij është e drejtë se e ka kuptuar gabimin që ka bërë duke mbështetur Bashën po ashtu si ne pavarësisht se nga ana e tij është shumë më e rëndë. Ne këtë Lulzim Bashë kemi patur para 3 viteve kur bojkotoi zgjedhjet lokale dhe na mashtroi edhe neve në 2019 duke na thënë se zgjedhjet do të përsëriteshin sepse kishte mbështetjen e SHBA-ve dhe se kishte folur me përfaqësuesin amerikan Palmer.
