Për analistin Fatos Lubonja zgjedhjet e pjesshme lokale të 6 marsit do të ndihmojnë mazhorancën për të instaluar një regjim më të fortë. I ftuar në rubrikën “Opinion”, në Neës 24, Lubonja u shpreh se PD është e vështirë që të dalë me një kandidat ndërkohë që kanë përballë një pushtet që do t’i marrë të gjitha.
Kemi 3 opozita, kemi 2 PD dhe LSI. Ka teza që bashkohet Berisha me Metën, ka teza kompromisi mes PD-së. Situata në PD është e vështirë, që të dalin me një kandidat. Edhe këto zgjedhje u bënë shpejt, një dorë që Meta i ka dhënë Sali Berishës për të vërtetuar se Berisha ka mazhorancën. Këto zgjedhjet do ta ndajnë këtë punë. LSI nuk dihet se si do të hyjë. Ashtu siç e shikoj unë situatën përtej zgjedhjeve të 6 marsit, këta i kanë hipur kalit për të qeverisur vetë Shqipërinë. E dëgjova edhe tek audiopërgjimi i Veliajt, por Duka është edhe aleat i tyre, por ata nuk duan as këta aleatë, duan t’i marrin të gjitha. Edhe këto 6 bashkitë do t’i marrin të gjitha dhe do të instalojnë një regjim më të fortë.
Një PD e bashkuar ka qenë e rrezikuar dhe jo më e ndarë. Nuk mund të mendohet se Rama mund të bëjë ndonjë bamirësi ndaj Bashës. PD ka marrë një goditje të pariparueshme. Duhet të lindin lider të tjerë, Basha dhe Berisha janë djegur”
Sipas Lubonjës ky regjim mund të rrëzohet me nje revolte e pakënaqësi të madhe dhe kurrë nga zgjedhjet.
“Duhet të masim se si janë shqiptarët, sa të lodhur dhe mërzitur janë. Rama po mos kishte bërë masakrën zgjedhore do i kishte humbur zgjedhjet, por me këtë projekt që ka Rama për të kapur të gjitha institucionet edhe SPAK-un, të gjitha punët i kanë në rregull. Është forcuar ideja se ky regjim nuk lëziv më në forma paqësore. Ky regjim mund të rrëzohet vetëm nga një pakënaqësi e madhe, me zgjedhje jo.”
Në fund ai foli edhe krizën Ukrainë-Rusi teksa tha se situata është serioze dhe shpreson të zgjidhet me rrugë diplomatike.
“Situata është serioze. Amerikanët kanë tentuar të afrohen edhe më përpara. Amerikanët janë në pikën më të dobët në historinë e tyre të gjatë të dominimit, kanë edhe problemet e tyre brenda vendit. Edhe sistemi është në krizë në përgjithësi dhe si edhe vetë Europa nuk është më e para viteve 90’ dhe kemi fuqizimin e Rusisë dhe Kinës, dy potenca që e ndan botën multilaterale. Kështu SHBA e ka të vështirë. Projekti për të marrë një pjesë të Ukrainës qëndron për të ndërtuar një kundërpeshë. Mos harrojmë edhe Kinën që kërkon të marrë Tajvanin. Urojmë që këto punë t’i zgjidhe diplomacia.”
