Dajan Shehi mund të jetë largimi i radhës nga Partizani. Mbrojtësi nga Elbasani u bashkua me të kuqtë në verë, por ardhja e Bitrit e ka mbipopulluar repartin dhe Shehi e di mirë se minutat në dispozicion mund të jenë të pakta.
Ai dëshiron të luajë diku, ku të jetë i rëndësishëm dhe të zbresë rregullisht në fushë dhe ka marrë masa për ta realizuar këtë. “Panorama Sport” mëson se mbrojtësi ka kërkuar largimin nga Partizani.
Ai i ka shprehur drejtuesve dëshirën për të dalë lojtar i lirë.
Klubi fillimisht nuk e ka pranuar këtë kërkesë të Shehit me argumentin se ai është në planet e trajnerit Dritan Mehmeti.
Për momentin kjo është situata, por me shumë mundësi në vazhdim klubi do të pajtohet me vullnetin e lojtarit.
