I gjithë vendi është përfshirë nga temperatura të ulëta. Meteorologia Lajda Porja e ftuar në emisionin “Log” në Abc ka folur për 2 skenarët e parashikuar sa i përket motit të ftohtë në vendin tonë këtë vit. Ajo ka theksuar se dita e nesërme do të jetë më e ftohta, duke kulmuar deri në -15 gradë. 25 Janari pritet në këtë mënyrë që të jetë edhe dita më e ftohtë.
“Ishte parashikuar që në mesin e dhjetorit kjo valë e ftohtë. Ishte parashikuar që dhe vetë vendet skandinave që s’po përjetonin dimër të acartë ky dimër ka qenë i acartë. Kjo valë ishte e pamundur që të mos e prekte Shqipërinë. Nesër do jetë dita më e ftohtë, duke kulmuar -16 gradë. Veri verilindje, Kukësi Hasi Bulqiza, Librazhdi duke zbritur më pas në të gjithë qarkun e Korçës”, tha ajo.
Në tabelën e mëposhtme janë paraqitur rekordet e të ftohtit ndër vite. Porja tha se ky vit nuk thyen asnjë rekord, por ngjan me episodin e 2017.
“Tirana është temperaturë ekstreme që nuk është shënuar përveç 68. Zonat verilindore kanë shënuar -22 gradë, rekord që nuk është thyer. Ky episod është i ngjashëm me 2017, është episod që nuk thyen rekorde historike”.
