Nga Boldnews.al
Nëse arti do matej me volum dhe cilësi, padyshim që pesha e aktores Tinka Kurti do ishte fort e rëndë. Aq sa duart e brishtë të kryebashkiakut Erion Veliaj jo vetëm që nuk do e ngrinin, por më shumë do e bënin pis.
Kështu ndodhi edhe në promovimim e librit me kujtime të së madhes Kurti. Veliaj ishte aty duke folur më shumë për veten, ndersa Kurti në propagandën bashkiake ngjante e vogël. Nuk është e vetmja nga kasta e madhe e aktorëve që për të mbijetuar finaciarisht, por edhe artistikisht, transformohen duke u bërë me apo pa dëshirë në morioneta jofrymore që tërhiqen nga artisti i madh i propagandës Erion Veliaj.
Sot ai nuk po blen vetëm varfërinë, por dinjitetin e humbur të çdo artisti në këtë vend ku vlerë merr maskarai dhe jo intelektuali. Kurti nuk është e vetmja sesi padrejtësisht mpaket nën shtypjen e kryepushtetarit të kryeqytetit.
Malinjititeti i Veliajt u pa në çështjen e Teatrit Kombëtar. Futi frymën e përçarjes mes tyre duke tërhequr pranë vetes edhe aktorin e madh Robert Ndrenika. Përçau për të sunduar deri në makabritetin e 17 majit 2020, kur në godinën e Teatrit Kombëtar luajti tragjedinë e fundit duke e shfarosur objektin kulturor, historik dhe shpirtëror me makinerinë kryesore të pushtetit, fadromën.
Pak vite më parë kur media kapërceu pragun e banesës së të madhit Ndrenika u vu re një televizor i vogël që i kish ikur koha me kohë. Sot e ka ndërruar bashkë me mobiljet dhe prestigjin që të jep pasoja mentale, por pa e kuptuar humbën pasurinë më të madhe, atë të artit dhe shpirtit.
Kurti dhe Ndrenika nuk janë të vetmit që u bënë pjesë e filmit të Veliajt, ka edhe shumë të tjerë që për të mbijetuar shkojnë në oazin e paradhës së bashkisë si konkubina të një beu lokal.
Sot nuk është koha të gjykohen apo anatemohen të mëdhenjtë e artit, por është çasti për t’i vënë fre të shfrenuarit kryebashkiak.
