Lionel Messi u trasnferua nga Barcelona te PSG në merkaton e verës. Një largim i bujshëm ky i cili erdhi pas 20 vitesh që “Pleshti” mbante të veshur fanellën e katalanasve.
Sulmuesi argjentinas arriti të fitonte me Barçën 35 trofe ku ka thyer edhe rekorde të njëpasnjëshme duke u bërë një nga lojtarët më të mirë të botës së futbollit.
Me kalimin në Paris te PSG, 34-vjeçari nuk po arrin të tregojë formën e tij më të mirë, ku në 16 ndeshje të luajtura këtë sezon në të gjitha kompeticionet ka arritur të shënojë vetëm 6 gola dhe ka dhënë 5 asiste.
Shume kritika në drejtim te Messit ka pasur gjatë kësaj periudhe, të cilat më së shumti lidhen më largimin nga Barcelona ku ishte një lider i padiskutueshëm dhe tani te mos përshtatja siç duhet me PSG-në.
Për këtë situatë për “Telefoot” ka folur edhe ylli i Real Madrid, Karim Benzema, që ka pasur fatin të luajë kundër sulmuesit argjentinas në “El Clasico” në Spanjë.
Karim Benzema ka theksuar se njerëzit që e kritikojnë Lionel Messin nuk kuptojnë asgjë nga futbolli, ku sulmuesi francez është i bindur se argjentinasi do të jetë i suksesshëm në Francë.“Si nuk do të jetë Messi i suksesshëm? Është vetëm çështje përshtatjeje, sepse ai nuk ka shumë gola. Por shikojeni se çfarë bën ai në fushë. Sidoqoftë, nuk mund ta kritikosh një lojtar të tillë, dikush që e kritikon Messin nuk kupton asgjë nga futbolli”, është shprehur Benzema.
Fati do t’i vë përballë Messin dhe Benzema përsëri kur Madridi të përballet me PSG-në Champions League muajin e ardhshëm.
