Presidenti Ilir Meta paralajmëroi këtë të Premte nga Korça se do të angazhohet në “beteja të vërteta”, pas mandatit si President (24 korrik 2022).
Ai theksoi se pas mandatit si President do kthehet “te populli i 2 Marsit”.
“Në zgjedhjet më të para pasi të heq këtë kostumin e Presidentit më keni në betejë, në betja të vërteta. Ilir Meta nuk është nga ata që shesin ndeshjet dhe nuk e tradhëton kurrë publikun dhe sidomos popillin shqiptar”, tha kreu i shtetit në një prononcim për gazetarët.
“25 prilli nuk ishte ndeshje e fituar, por ndeshje e shitur”, shtoi ai.
Gjatë prononcimit për gazetarët, Meta u bëri apel qytetarëve të marrin pjesë në zgjedhjet e pjesshme vendore.
