Komisioneri Shtetëror i Zgjedhjeve Ilirian Celibashi, në një deklaratë për mediat, dha informacion në lidhje me zgjedhjet e pjesshmë vendore që do mbahen më 6 mar në 6 bashkitë e vendit.
“Janë rreth 180 mln lekë, kosto e këtyre zgjedhjeve. Po punojmë, edhe pse koha është shumë e shkurtër, që për këto zgjedhje të aplikohet identifikimi elektronik i zgjedhësve. Qëllimi ynë si KQZ është që ta aplikojmë sistemin e identifikimit elektronik edhe në zgjedhjet e bashkisë Vorë”, tha Celibashi.
Ai shtoi tha se sot ose nesër do të kalohen aktet që lidhen me përcaktimin e afateve të regjistrimit të subjekteve zgjedhore.
“Kemi 2 afate të përcaktuar nga ligji, është 25 janari që lidhet me hartimin e listave të zgjedhësve dhe 27 janari që lidhet me miratimin dhe shpalljen e tyre”.
I pyetur se cilin nga propozimet nga ana e opozitës do regjistrojnë për zgjedhje, kandidaturën e Komisionit të Rithemelimit, apo ato të opozitës zyrtare, Celibashi tha se është e përcaktuar nga ligji dhe nuk varet nga KQZ.
“Partia politike e cila kërkon të regjistrohet si subjekt zgjedhor në KQZ duhet të paraqesë disa dokumente. Një prej këtyre dokumenteve është edhe një vërtetim nga Gjykata e Rrethirtt gjyqësor Tiranë e cila përmabn të dhënat mbi partinë politike, përfshi këtu emrin e partisë, organet drejtuese dhe ato kompetente për të mbajtur marrëdhëniet me të tretët përfshi këtu dhe KQZ. Nuk është një çështje e KQZ, është një çështje e përcaktuar nga ligji”.
Po kë njeh si kryetar të PD-së zyrtarisht KQZ? A ka marrë shkresë KQZ nga komisioni i rithemelimit të PD-së ku i vihte në dijeni dhe vendimi i anëtarësisë për shkarkimin e Bashës?
Celibashi u tregua i rezervuar të japë përgjigje duke u deklaruar se do kuptohet diten kur të regjistrohen partitë.
“Deri në momentin që flasim nuk kemi asnjë komunikim me parti apo grupim politik. Në momentin që do të paraqiten kërkesat do të jetë dhe përgjigjja e pyetjes tuaja”, tha ai.
