Presidenti Ilir Meta ka bërë sërish apel se i duhet dhënë fund bojkotove dhe se tashmë është koha për të rivendosur institucionin e votës së lirë. Duke iu referuar datës 6 mars të zgjedhjeve të pjesshme lokale, Meta theksoi se aktorët politikë duhet të të dëshmojnë reflektimin e duhur dhe ti shërbejnë një procesi shembullor.
“Është një moment i rëndësishëm për të rindërtuar për të rivendosur për të rehabilituar institucionin e votës së lirë në vend. Problemet me të cilat ndeshet vendi ynë prej kohësh kanë të bëjnë me respektimin që duhet të kemi të gjithë ndaj institucionit të votës së lirë, e shumë pasoja kanë ardhur edhe për shkak të bojkoteve në të kaluarën ndaj unë i nxis të gjithë faktorët që të dëshmojnë reflektimin e duhur dhe ti shërbejnë një procesi shembullor”, ka theksuar Meta në mesazhin e përsëritur mbi zgjedhjet e pjesshme të cilat pritet të mbahen në 6 mars të këtij viti.
