Këngëtarja Adelina Ismaili sërish ka munguar në gjykimin për Enver Sekiraqën, i cili akuzohet për vrasjen e të fejuarit të këngëtares, Triumf Rizës, në vitin 2006 . Ajo ka munguar në seancën e radhës, pasi ndodhet jashtë vendit.
Ka qenë bashkëshorti i Adelinës, ai i cili ka zbuluar se ndodhen në Zvicër.
Gjykata Themelore në Prishtinë ka njoftuar se do të lëshojë urdhëresë për sjelljen e saj dhe të motrave të këngëtares në seancë me anë të policisë.
Dëshmitaret ishin thirrur që të dëgjoheshin në seancën e së mërkurës, mirëpo kryetari i trupit gjykues, gjykatësi Agim Kuçi kishte njoftuar se motrat Ismaili mungesën e tyre e kishin arsyetuar përmes përfaqësuesit të tyre, avokatit Alban Makolli, me arsyetimin se nuk gjenden në Kosovë dhe se nuk dihet se kur do të kthehen.
