Një mjek i spitalit të Elbasanit është proceduar penalisht nga policia lidhur me humbjen e jetës së një vajze 3 vjeçe ditën e djeshme.
Fëmija humbi jetën mëngjesin e djeshëm në spitalin e Elbasanit.
Këtë të Enjte, policia njoftoi procedimin e një mjeku për neglizhencë në trajtimin mjekësor.
“Nga specialistët për Hetimin e Krimit në Komisariatin e Policisë Elbasan u procedua penalisht për veprën penale ‘Neglizhenca në trajtimin mjekësor’, shtetasi G.A., 47 vjeç, banues në Elbasan, me detyrë mjek në Spitalin Rajonal Elbasan, pasi ditën e djeshme është dërguar në spital, në gjendje të rëndë për jetën, një shtetase e mitur 3 vjeçe, e cila pas disa orësh dyshohet se ka ndërruar jetë për shkak të neglizhencës në trajtimin mjekësor”, njoftoi policia.
Materialet i kaluan Prokurorisë, për veprime të mëtejshme, shtuan të njëjtat burime.
Lexo edhe:
Vajza 3 vjeçe humbi jetën në spital, i ati: Më kanë thënë virozë, se di se si më iku goca
