Ministria e Shëndetësisë në Kosovë njoftoi këtë të Mërkurë se janë regjistruar 2,050 raste të reja me koronavirus nga 9,194 testime.
Nuk raportohet për humbje jete.
Në raportin që i referohet të dhënave të 24 orëve të fundit, MSH-ja bëri të ditur se janë shëruar edhe 462 pacientë.
Ndërkaq, raste aktive me COVID-19 janë 7,266.
Sa i përket vaksinimit, autoritetet kanë administruar edhe 5,348 doza të reja të vaksinës kundër koronavirusit. Deri më tani, me dy doza të vaksinës janë imunizuar 798,225 persona apo 44 për qind.
Dje, Kosova regjistroi 720 infektimesh.
