Sot shënohet 31 vjetori i rihapjes së Xhamisë së Ethem Beut në Tiranë, e cila ruhej si momument kulture nga regjimi i diktatorit Enver Hoxha.
Në 18 janar 1991, disa mijëra besimtarë, jo vetëm të besimit mysliman, iu bashkuan rihapjes së xhamisë, pasi diktatura për të paktën 3 dekada, nuk lejoi ushtrimin e besimeve fetare, dhe disa qindra klerikë u burgosën, vranë dhe internuan, me gjyqe popullore.
Fotot dhe video e mëposhtme tregon atë se çfarë ka ndodhur realisht 31 vjet më parë, ku në rihapjen e Xhamisë në qendër të Tiranës, nuk kishte as politikanë dhe as zyrtarë, por besimtarë të devotshëm.
31 vjet më pas, Xhamia e Ethem Beut u rihap pas një rikonstruksioni disa vjeçar, por ceremonia e mbajtur dje me rastin e vizitës së Presidentit turk, Rexhet Tajip Erdogan, shkoi deri atje sa anashkaloi edhe drejtuesit e KMSH-së, ndërsa në krah të Sulltanit ishte një klerik i lartë turk. Gjithçka dje ishte e organizuar në gjuhën turke, madje edhe lutjet u drejtuan po në turqisht.
