Pas Komisionit Qendror të Zgjedhjeve, Presidenti Meta i është drejtuar me një shkresë Këshillit të Ministrave duke i kërkuar informacion për njësitë vendore pa kryetar.
Shkresa mban datën 17 janar dhe kërkohet që krahas vakancave të vihet në dispozicion edhe arsyeja e krijimit të tyre.
Ndryshe nga sa bëri me KQZ-në të cilës i la tri ditë afat kohë, për Këshillin e Ministrave Meta nuk ka caktuar një afat, por kërkon që përgjigja të vijë sa më shpejt të jetë e mundur.
Deri më tani, zyrtarisht kreu i shtetit është njoftuar për vakancat në bashkitë Shkodër, Vorë, Dibër dhe pritet që informacioni zyrtar të mbërrijë edhe për bashkitë Durrës, Lushnje dhe Rrogozhinë.
