Ministria e Shëndetësisë në Kosovë njoftoi këtë të Hënë se janë regjistruar 728 raste të reja me koronavirus, nga 5,297 testime.
Në raportin ditor thuhet se 99 pacientë janë shëruar nga COVID-19, ndërsa raste aktive janë 5,118.
Sa i përket vaksinimit, në 24 orët e fundit janë administruar 1,156 doza të vaksinës kundër koronavirusit. Që prej nisjes së fushatës së imunizimit, në Kosovë, me dy doza të vaksinës janë imunizuar 796,246 persona.
