Ardhja e presidentit turk në Tiranë Rexhep Taip Erdogan, ka bërë që autoritetet tona të marrin masa të rrepta në të gjithë rrugët që do kalonte eskorta e tij.
Kjo ka sjellë trafik të rënduar në pothuajse të gjithë rrugët hyrëse të Tiranës. Duke nisur nga rrethrrotullimi i TEG dhe deri tek Sheshi Shiponja, janë krijuar radhë kilometrike trafiku.
Makinat kanë mbetur të bllokuara për disa minuta. Kjo ka sjellë acarimin e gjithë drejtuesëve të mjetit, mes tyre edhe aktorit të humorit, Albano Bogdo.
Në një video të publikuar nga Dosja.al, shohim se aktori ka dalë nga makina dhe duke bërtitur i ka kërkuar efektivët të Policisë që t’i hapte rrugën që të kalonte.
“O legjendë, pse bën sikur nuk dëgjon?! Hape rrugën të kalojnë makinat. Ju *** mu në Erdogan. Hapni pra rrugën që të kalojnë makinat,”-dëgjohet aktori.
