Më në fund Robert Lewandowski mposht Lionel Messin. Bomberi polak rrëmben çmimin The Best, të lojtarit më të mirë të vitit të shpallur nga FIFA.
Në një ceremoni gala të zhvilluar online për shkak të pandemisë, sulmuesi polak dhe i Bayern Munchen u zgjodh si lojtari më i mirë për vitin 2021 duke mposhtur kështu Lionel Messin i cili ishte ai që i mori edhe finalen në garën për Topin e Artë.
Gjithsesi me një votim ndryshe nga ajo për Topin e Artë, polaku merr atë që meriton pas një sezoni të paharrueshëm teksa në garë ishte edhe Mohamed Salah si finalist.
Sistemi i votimit për këto çmime ishte ndryshe dhe përbëhej nga një juri ndërkombëtare e me trajnerët e të gjithë ekipeve kombëtare për meshkuj dhe femra, kapitenët aktualë të të gjithë ekipeve për femra dhe meshkuj dhe nje gazetari i çdo vendi anëtar i FIFA-s.
