“Big Brother VIP” është kthyer në reality show-n më të ndjekur të momentit. E teksa ka mbetur edhe një muaj nga finalja e madhe, ende mbetet e paqartë nëse shtëpisë më të famshme në Shqipëri do t’i bashkohen banorë të rinj.
Së fundmi, Ermal Mamaqi ka ngritur dyshimet se mund të bëhet pjesë e shtëpisë së “Big Brother VIP”. Ai ka postuar në “Instagram” një fotografi ku shfaqet së bashku me moderatoren Arbana Osmani.
“Miq të martën filloj dhe unë rrugëtimin e bukur në shtëpinë më të ndjekur. Uroj të më mbështesni në këtë aventurë”, ka shkruar Ermali krahas fotos.
Arbana ka vendosur që të shuaj kuriozitetin e ndjekësve nëse Mamaqi do hy me të vërtetë apo jo në shtëpinë më të famshme në Shqipëri. Ajo ka ripostuar postimin e Ermalit dhe bashkëngjitur me të shkruan: “Vitin tjetër”.
