Ish-Kryeministri Sali Berisha u shpreh nga Shkodra se Edi Rama ndan afera korruptive me Lulzim Bashën, ndërsa u shpreh se i ka mbyllur edhe dosjet e krimit.
“Edi Rama ka kapur për fyti Lulzim Bravën me korrupsion e dosje të tjera. Një thirrje kam për demokratët që ende mbështesin Lulzim Bravën: hiqni dorë prej tij se ai është turpi i Shqipërisë. I bëj thirrje deputetëve të Shkodrës që të ndahen nga Lulzim Basha, pasi ate e pret vrima e miut, nga ky revolucion që nuk ka të ndalur. Askush nuk ka të drejtë të luajë me pluralizmin politik në Shqipëri. Ata që mbështesin Bashën si kryetar opozite tallen me lirinë, me vlerat e pluralizmit, tallen me shqiptarët”, tha Berisha.
Ai u shpreh se Lulzim Brava, i rrethuar nga mercenarë dhe banditë, dhe me ndihmën e Edi Ramës, helmoi me gaz demokratët, i dhunoi ata si kurrë më parë, vetëm e vetëm se demokratët donin të hynin në shtëpinë e tyre, në selinë e PD, që është shtëpia e lirisë.
