‘Shtëpia e barit’ në Shkodër, lirohen 5 punonjësit e OSHEE! Emrat

Pas arrestimit të tyre mëngjesin e sotëm si të dyshuar për shpërdorim detyre, 5 punonjësit e OSHEE në Shkodër janë liruar.

Policia arrestoi 8 persona pasi zbuloi një laborator modern për prodhimin e hashashit në Berdicë, ku mes të arrestuarve ishin dhe 5 punonjësit e OSHEE, të dyshuar se nuk kanë konstatuar vjedhjen e energjisë elektrike tek shtëpia e drogës.

LEXO EDHE  Koronavirusi në M.Veriut/ 8 humbje jete dhe 1348 raste të reja në 24 orët e fundit

Ndërkohë disa orë pas arrestimit, prokurori Gëzim Spahiu, ka urdhëruar lirimin e tyre dhe ka cilësuar të paligjshëm arrestimin e 5 punonjësve.

Punonjësit e OSHEE janë Indrit Taraboshi, Pavlin Çarri, Agron Hoxha, Hektor Lami dhe Bledar Ahmeti.