Baçi: Basha ka shpërndarë sms anonime për pjesëmarrje në Fier

I ftuar në SYRI TV, deputeti i PD-së Luan Baçi ka folur mbi zhvillimin e procesit për riorganizimit të partisë, si dhe për mesazhet anonime të mbërritura në telefonat e demokratëve, ku i kërkohej prezenca e tyre në një takim të njoftuar nga Lulzim Basha në qytetin e Fierit.

Baçi ka theksuar se riorganizimi i PD-së po ecën sipas ushëzimit të vendimit numër 3 të Komisionit të Rithemelimit dhe i gjithë procesi do konkludohet në 22 mars në Kuvendin e radhës.

Gjithashtu Baçi ka konfirmuar edhe mesazhin anonim të mbërritur në telefonat e strukturave të PD-së, ku tha se teksti ka qënë i ndryshëm sipas qyteteve dhe me disa numra duke shfrytëzuar teknologjinë për marrjen e të dhënave. Kjo ka ndodhur në gjithë qytetet e Qarkut të Fierit.

Baçi: Ndodhem në Cakran dhe sa mbaruam takimin për riorganizimit të PD-së sipas udhëzimit numër 3 të Komisionit të Rithemelimit për zgjedhjen e strukturave drejtuese nga kryetar seksioni, grup seksioni, i cili duhet të përfundojë brenda afatit 15 shkurt, ku do të ketë zgjedhje me një anëtar një votë bashkë me kryetarin e degës, si një risi në këtë proces. Pas këtij procesi do jetë edhe Kuvendi Kombëtar i 22 marsit kur merr konfigurimin e plotë Partia Demokratike sipas vendimeve të Kuvendit të 11 janarit.

LEXO EDHE  Italia goditet nga tërmeti, ja sa ballë

Është e vërtetë që ka pasur një qarkullim në të gjithë anëtarët e PD-së në disa qytete të Qarkut të Fierit, Divjakë, Mallakastër, Patos dhe Rroskovec por në qytetin e Fierit ka ardhur nga Partia Demokratike dega Fier. Anëtarë të PD-së, struktura të shumta janë ankuar se çfarë mesazhi është ky.

Është një takim që vjen deputeti Basha dhe organizohet nga disa individë që skanë lidhje me strukturën e PD dega Fier dhe e bëjnë këtë që të ketë nesër pjesëmarrje.