Vehap Kola i ka bërë thirrje is-kryeministrit Sali Berisha që të ndalë gjuhën antikombëtare, duke iu referuar deklaratave të tij pas daljes nga prokuroria ku dha dëshminë e tij për protestën e 8 Janarit.
Me anë të një postimi Kola shkruan se ish-kryeministri Berisha për hallin e tij personal po përçan shqiptarët me akuza antikombëtare.
Postimi i Kolës:
Sali Berisha duhet të ndalë menjëherë gjuhën e përçarjes antikombëtare dhe etiketimin e shqiptarëve të Maqedonisë dhe Kosovës me emra organizatash terroriste. Për hallin e tij Sali Berisha është gati të hedhë akuza nga më mizoret, të kërcënojë e dhunojë këdo. Ky është fundi politik i një njeriu që i është errur gjykimi dhe bën gjithçka për interesin e tij personal.
