Ish-Kryeministri Sali Berisha do të paraqitet sot në Prokurorinë e Tiranës për të dhënë dëshminë e tij lidhur me protestën e 8 janarit, e cila precipitoi në dhunë, pasi demokratët protestues u sulmuan fillimisht me gaz dhe lëndë të tjera nga mbështetësit e Lulzim Bashës, dhe më pas ishte policia që shpërndau brutalisht protestuesit.
Berisha dhe Flamur Noka janë thirrur në Prokurorinë e Tiranës në kuadrin e hetimeve që po zhvillon organi i akuzës lidhur me përplasjet.
Berisha do të jetë në prokurorinë e Tiranës në oren 11.00, ndërsa deputeti Noka do të jetë në oren 12.00
Ndërkohë nesër do të paraqiten në Prokurori, Lulzim Basha dhe Gazment Bardhi.
Prokuroria e Tiranës nisi hetimet lidhur me përplasjen, ndërsa ushtroi kontroll edhe në selinë e PD-së, ku janë sekuestruar disa fikëse zjarri, që u përdorën sipas mbështetësve të Lulzim Bashës, kundër protestuesve, në kuadrin e mbrojtjes së selisë.
