Një grup trafikantësh është shkatërruar ditën e sotme në Itali.
Mediat e huaja shkruajnë se gjatë një operacioni të policisë italiane u arrestuan 22 persona mes tyre dhe 4 shqiptarë, ndërkohë që u sekuestruan 20 kilogram kokainë. Mësohet se të arrestuarit janë të moshës 30 deri në 40 vjeç dhe 13 persona janë lënë në arrest me burg, 3 persona janë lënë në arrest shtëpie, ndërsa të tjerët kanë detyrim paraqitje.
Mësohet se rrjeti kriminal funksiononte në qytetin e Bolonjës dhe të Casertës dhe shfaqej si një sipërmarrje tregtare. Korrierët e kësaj organizate ndërroheshin shpesh ndërkohë që krerët kërkonin që të kishin sa më shumë shqiptar në organizatë, pasi ata gjenin drogë me çmime të ulta.
“Hetimet nisën nga një dyqani i vogël. Ne do të vazhdojmë të monitorojmë rrugët dhe sheshet ku kryhen këto aktivitete, të cilat sjellin edhe shqetësime të ndryshme për familjet”, thuhet në njoftimin e policisë italiane.
Burimi: Bologna
