Spektakli i së martës duket se la disa gjëra pa sqaruar mes Egzonës dhe Beatrix. Gazetarja nuk mundi t’i mbante dot as lotët teksa i shpjegonte Beatrix se nuk ka asgjë tendencioze me të.
“Më ka ardhur shumë keq, kur të dalësh jashtë do ta shikosh dhe do të më japësh të drejtë”,– tha ajo me lot në sy.
Nga ana tjetër Egzona nuk nguroi ta këshillonte Beatrix lidhur me situatën e trazuar emocionale që ajo po përjeton.
“Duhet të vendosësh veten përpara. Lumturinë, entuziasmin gjeje tek vetja dhe mos e kërko tek askush tjetër. Shprehe nëse je e mërzitur, mos i lër gjërat pa sqaruar”– shtoi ajo.
